تاقیکردنه‌وه‌ی نێوده‌وڵه‌تی زمانی فارسی ناسراو به سامفا له شاری هه‌ولێر به‌ڕێوه‌چوو
مورته‌زا عه‌بادی سه‌رکۆنسووڵی ئێران و ئه‌حمه‌د دزه‌یی سه‌رۆکی زانکۆی سه‌ڵاحه‌دین ئه‌م تاقیکردنه‌وه‌یان به سه‌ر کرده‌وه. سه‌رکۆنسووڵی ئێران وتی: تاقیکردنه‌وه‌ی سامفا به به‌شداری 40 فێرخوازی فارسی ئه‌مڕۆ 28 ی به‌فرانبار و به هاوکاری کۆنسووڵخانه‌ی کۆماری ئیسلامی ئێران، وه‌زاره‌تی خوێندنی باڵا، زانکۆی فیرده‌وسی مه‌شهه‌د و به میوانداری زانکۆی سه‌ڵاحه‌دین به‌ڕێوه‌چوو. له‌م تاقیکردنه‌وه‌دا فێرخوازان ده‌بێت له چوار به‌شی بیستراو، خوێندنه‌وه، نووسین و وتنه‌وه به‌شداری و نمره‌ی پێویست وه‌ربگرن. شایانی ئاماژه‌یه که ئه‌م تاقیکردنه‌وه هاوکات له 14 ناوه‌ند (8 ناوه‌ندی ناوخۆیی و 6 ناوه‌ندی ده‌ره‌وه‌ی ئێران) به‌ڕێوه‌چووه
سه‌رکۆنسووڵی کۆماری ئیسلامی ئێران سوپاسی حکومه‌تی هه‌رێمی کوردستانی کرد بۆ گواستنه‌وه‌ی زیندانییه ئێرانییه‌کان بۆ ئه‌م وڵاته و ڕایگه‌یاند که له ماوه‌ی سێ ساڵی ڕابردوو 140 زیندانی ئێرانی له هه‌رێمه‌وه ڕاده‌ستی به‌رپرسانی ئه‌م وڵاته کراون
مورته‌زا عه‌بادی سه‌رکۆنسووڵی ئێران له هه‌ولێر ڕایگه‌یاند: دراوسێبوون و خاڵه هاوبه‌شه‌کانی نێوان هه‌رێمی کوردستانی عێراق و کۆماری ئیسلامی ئێران بووه‌ته هۆی ئه‌وه که هاتووچۆی دانیشتووانی هه‌ر دوو دیوی سنور له ئاستێکی به‌رزدا بێت که هه‌ندێک کات هه‌ڵسووکه‌وتی ژماره‌یه‌ک له‌وان ڕه‌نگه به پێچه‌وانه‌ی یاساکان بێت و ئه‌مه‌ش سرنجی ئه‌وان ڕاده‌کێشێت. ناوبراو وتی: به پێی ئه‌و ژماره‌ی زۆره‌ی سه‌ردانی ئێرانییه‌کان بۆ هه‌رێمی کوردستان نزیکه‌ی سه‌د که‌س به هۆکاری جۆربه‌جۆر له گرتووخانه‌کانی هه‌رێمدان و تۆمه‌تی به‌شێک له‌وان به‌کارهێنانی حه‌ب و ماده هۆشبه‌ره‌کانه که له عێراقدا به تاوانێکی گه‌وره داده‌نرێت. عه‌بادی وتی: یاساکانی عێراق به توندی ڕووبه‌ڕووی به‌کارهێنه‌رانی ماده هۆشبه‌ره‌کان و ته‌نانه‌ت ئه‌وانه‌ش ده‌بێته‌وه که حه‌بی وازهێنان له‌م ماده هۆشبه‌رانه به کار دێنن، ده‌بێته‌وه و ئه‌مه‌ش پێویست ده‌کات که به‌ده‌ر له گه‌شتیاران، خاڵه سنورییه‌کانیش کۆنتڕۆڵی زیاتریان له سه‌ر هه‌بێت
سه‌رکۆنسووڵی ئێران ده‌سکه‌وته‌کانی پێشانگای زانکۆکانی ئه‌م وڵاته‌ی له هه‌ولێر خسته‌ڕوو
سه‌رکۆنسووڵی کۆماری ئیسلامی ئێران به‌ڕێوه‌چوونی پێشانگای توانای زانکۆ ئێرانییه‌کان له هه‌ولێر به ڕووداوێکی هه‌ره گرنگی زانستی و به‌ره‌وپێشچوونێکی زۆر له په‌یوه‌ندییه زانستییه‌کان له گه‌ڵ هه‌رێمی کوردستانی عێراق ناو ده‌بات. مورته‌زا عه‌بادی په‌یوه‌ندی و هاوکاری نێوان زانکۆکانی ئێران و هه‌رێمی کوردستانی به ستراتیژی ناو برد و وتی: به‌ڕێوه‌چوونی پێشانگای توانای زانکۆ ئێرانییه‌کان له هه‌ولێر به ڕووداوێکی گرنگ داده‌نرێت که ده‌رفه‌تی نوێی بۆ هاوکاری زیاتری نێوان زانکۆکانی هه‌ر دوو لا کردووه‌ته‌وه. ئاستی پێشوازی له پێشانگای توانای زانکۆ ئێرانییه‌کان ناوبراو سه‌باره‌ت به ئاستی پێشوازی له پێشانگاکه‌ش وتی: ئه‌م پێشانگایه به ئاماده‌بوونی وه‌زیری خوێندنی باڵا و توێژینه‌وه‌ی زانستی حکومه‌تی هه‌رێمی کوردستان و هه‌روه‌ها به‌رپرسانی حیزبی و حکومی و سه‌رۆکی چه‌ندین زانکۆ به تایبه‌ت سه‌رۆکی زانکۆی سه‌ڵاحه‌دین که ڕۆڵی گرنگی له به‌ڕێوه‌چوونیدا هه‌بووه، کرایه‌وه و به‌ڕێز یوسف گۆران و شاندی یاوه‌ری پاش کردنه‌وه‌ی پێشانگاکه بۆ ماوه‌ی دوو کاتژمێر سه‌رجه‌م ژووره‌کانی به سه‌رکرده‌وه و له گه‌ڵ شاندی زانکۆکانی ئێران بیر و ڕایان ئاڵوگۆڕ کرد. عه‌بادی له درێژه‌دا وتی: نزیکه‌ی سێ هه‌زار که‌س له مامۆستایانی زانکۆ، په‌یمانگا و ناوه‌نده زانستییه‌کانی هه‌رێمی کوردستان، خوێندکاران و ئه‌وانه‌ی که ویستی درێژه‌دان به پرۆسه‌ی خوێندنیان له ئێراندا هه‌یه، پێشانگاکه‌یان به سه‌ر کرده‌وه و له‌م ڕووه‌شه‌وه ده‌توانین پێشانگای زانکۆکانی ئێران له هه‌ولێر له بواری جیاوازدا به سه‌رکه‌وتوو ناو ببه‌ین
ڕاوێژکاری باڵای جێگری سه‌رۆک کۆماری ئێران سه‌ردانی هه‌رێمی کوردستانی کرد
باڵیۆزی پێشووی ئێران که له ئێستادا ڕاوێژکاری باڵای جێگری یه‌که‌می سه‌رۆک کۆماری ئێرانه بۆ کاروباری ئابوری، سه‌ردانی هه‌رێمی کوردستانی عێراقی کردووه. ، حه‌سه‌ن دانایی فه‌ڕ له گه‌ڵ سه‌رکۆنسووڵی کۆماری ئیسلامی ئێران له هه‌ولێر له گه‌ڵ ژماره‌یه‌ک له به‌رپرسانی هه‌رێمی کوردستان کۆبووه و سه‌باره‌ت به چه‌ندین پرسی گرنگ و تایبه‌ت به په‌یوه‌ندییه بازرگانییه‌کان بیر و ڕایان ئاڵوگۆڕ کرد. ناوبراو هه‌روه‌ها له گه‌ڵ نه‌وزاد هادی پارێزگاری هه‌ولێر کۆبووه و پرسی په‌یوه‌ندییه ئابورییه‌کانی نێوان هه‌ر دوو لای تاوتوێ کرد. دانایی فه‌ڕ ئیدانه‌ی گه‌مارۆ تاکلایانه‌کانی ئه‌مریکای کرد له دژی گه‌لی ئێران که ته‌نانه‌ت که‌رتی ته‌ندرووستی و ده‌رمانی نه‌خۆشه‌کانیشی گرتووه‌ته‌وه. ڕاوێژکاری باڵای ئابوری جێگری یه‌که‌می سه‌رۆک کۆماری ئێران هه‌روه‌ها جه‌ختی له سه‌ر ده‌فرایه‌تییه‌کانی ئه‌م وڵاته بۆ گه‌شه‌پێدانی که‌رتی ئابوری کرده‌وه و ڕایگه‌یاند: دڵنیایی به دراوسێکانمان ده‌ده‌ین که بازرگانانی ئێرانی پابه‌ندی گرێبه‌ست و به‌ڵێنه‌کانی خۆیانن و بیر له په‌ره‌پێدانی په‌یوه‌ندییه بازرگانییه‌کانیان ده‌که‌نه‌وه. ناوبراو هه‌روه‌ها له کۆبوونه‌وه‌کانی له گه‌ڵ به‌رپرسانی هه‌رێمی کوردستان پرسی قه‌رزی کۆمپانیا و به‌ڵێنده‌ره ئێرانییه‌کانی تاوتوێ کرد که به‌رپرسانی هه‌رێم به‌ڵێنی به‌دواداچوون و چاره‌سه‌ربوونی کێشه‌کانیان داوه. دانایی فه‌ڕ هه‌روه‌ها ئاماده‌یی کۆماری ئیسلامی ئێرانی بۆ به‌شداری له پرۆژه سه‌رمایه‌گوزارییه‌کانی هه‌رێمی کوردستان دووپات کرده‌وه.
ئه‌ندامانی لێژنه‌ی ئاشتی پارێزگای سه‌ڵاحه‌دین له گه‌ڵ سه‌رکۆنسووڵی ئێران کۆبوونه‌وه
ئه‌ندامانی لێژنه‌ی ئاشتی پارێزگای سه‌ڵاحه‌دین که له به‌رپرسانی حکومی، سه‌رۆک هۆزه‌کان، که‌سایه‌تییه ئائینییه‌کان و نوێنه‌رانی ئه‌نجومه‌نی پارێزگا پێکهاتبوون، به ئاماده‌بوون له کۆنسووڵخانه‌ی کۆماری ئیسلامی ئێران له شاری هه‌ولێر له گه‌ڵ مورته‌زا عه‌بادی کۆبوونه‌وه و سوپاس و پێزانینی خۆیان بۆ هاوکارییه‌کانی کۆماری ئیسلامی ئێران له شه‌ڕی دژ به تیرۆر ڕاگه‌یاند.
دوایین گۆڕانکارییه‌کانی ناوچه‌که و کاریگه‌ری گه‌مارۆ زاڵمانه‌کانی ئه‌مریکا له دژی کۆماری ئیسلامی ئێران له چاوپێکه‌وتنی نێوان سه‌رکۆنسووڵی ئێران و ڕاوێژکار و سه‌رۆکی لێژنه‌ی ئابوری سه‌رۆکایه‌تی ئه‌نجومه‌نی وه‌زیرانی هه‌رێمی کوردستان تاوتوێ کرا.
مورته‌زا عه‌بادی سه‌رکۆنسووڵی ئێران له چاوپێکه‌وتنی له گه‌ڵ عوسمان شوانی ڕاوێژکار و سه‌رۆکی لێژنه‌ی ئابوری سه‌رۆکایه‌تی ئه‌نجومه‌نی وه‌زیرانی عێراق، گه‌مارۆکانی ئه‌مریکای له دژی ئێران به ئاسایی ناو برد و وتی: گه‌ل و حکومه‌تی ئێران له 40 ساڵی ڕابردوو تا ئێستا ئه‌زموونی گه‌مارۆکانی ئه‌مریکایان بینیوه و پێی ڕاهاتوون، جیاوازی گه‌مارۆکانی ئێستاش ئه‌وه‌یه که پێشتر ئه‌مریکا ژماره‌یه‌ک له وڵاتان و ڕێکخراوه نێوده‌وڵه‌تییه‌کانی له گه‌ڵ بووه و ئێستا له سه‌پاندنی سزا ئابورییه‌کان له دژی ئێران به ته‌نیا ماوه‌ته‌وه و ته‌نانه‌ت دۆستانی ڕۆژئاوایشی له گه‌ڵ نییه. عه‌بادی وتی: ئه‌مڕۆ وڵاتانی جیهان له سیاسه‌تی هه‌ڵه‌ی ئه‌مریکا و سه‌پاندنی سزا ئابورییه‌کان به سه‌ر گه‌لانی جیهان تێگه‌یشتوون. له‌م چاوپێکه‌وتنه‌دا ڕاوێژکاری ئابوری سه‌رۆک وه‌زیرانی هه‌رێمی کوردستان په‌یوه‌ندییه‌کانی نێوان هه‌ولێر و تارانی به براده‌رانه ناو برد و به هۆی کاریگه‌ری په‌یوه‌ندییه ئابورییه‌کانی نێوان هه‌ر دوو لا له سه‌ر ژیانی هاووڵاتیانی هه‌رێم، به‌رده‌وامبوونی به پێویست ناو برد
سه‌رکۆنسووڵی کۆماری ئیسلامی ئێران له شاری هه‌ولێر له گه‌ڵ به‌رپرسی په‌یوه‌ندییه نیشتمانییه‌کانی پارتی دیمۆکراتی کوردستان کۆبووه.
به پێی ڕاپۆرتی جام کوردی، له چاوپێکه‌وتنی نێوان مورته‌زا عه‌بادی و عه‌لی حوسێن سه‌باره‌ت به دوایین گۆڕانکارییه‌کانی ناوچه‌که، عێراق و هه‌رێمی کوردستان بیر و ڕا ئاڵوگۆڕ کرا. عه‌لی حوسێن ئه‌ندامی ئه‌نجومه‌نی سه‌رکردایه‌تی و به‌رپرسی په‌یوه‌ندییه نیشتمانییه‌کانی پارتی دیمۆکراتی کوردستان جه‌ختی له سه‌ر په‌یوه‌ندی کۆن و مێژوویی هه‌رێم و کۆماری ئیسلامی ئێران کرده‌وه و ڕایگه‌یاند که به هۆی خاڵه هاوبه‌شه‌کانه‌وه به تایبه‌ت له بواری ڕۆشنبیری، ئه‌م په‌یوه‌ندییانه به که‌م وێنه داده‌نرێن. ناوبراو په‌یوه‌ندییه ئابورییه‌کانی له گه‌ڵ کۆماری ئیسلامی ئێران بۆ هه‌رێمی کوردستان به گرنگ ناو برد و ڕایگه‌یاند که ئابوری ئێران کاریگه‌ریی له سه‌ر هه‌رێمی کوردستان ده‌بێت. له درێژه‌ی ئه‌م چاوپێکه‌وتنه‌دا مورته‌زا عه‌بادی سه‌رکۆنسووڵی کۆماری ئیسلامی ئێران له هه‌ولێر به ئاماژه به په‌یوه‌ندی کۆن و مێژوویی نێوان هه‌ر دوو لا وتی: له چه‌ندین مانگی ڕابردوو پێدانی خزمه‌تگوزارییه کۆنسووڵییه‌کان به تایبه‌ت له بواری ده‌رکردنی ڤێزه زیادی کردووه. ڕاشیگه‌یاند که گه‌مارۆ تاکلایانه‌کانی ئه‌مریکا له دژی گه‌لی ئێران بابه‌تێکی نوێ نییه و له ماوه‌ی چوار ده‌یه له ته‌مه‌نی شۆڕشی ئیسلامی بوونی هه‌بووه.
سه‌رکۆنسووڵی کۆماری ئیسلامی ئێران له شاری هه‌ولێر سه‌ردانی یه‌کێتی ژووره بازرگانییه‌کانی هه‌رێمی کوردستانی کرد و له گه‌ڵ سه‌رۆک و ئه‌ندامانی ژوور کۆبووه.
سه‌رکۆنسووڵی کۆماری ئیسلامی ئێران له شاری هه‌ولێر سه‌ردانی یه‌کێتی ژووره بازرگانییه‌کانی هه‌رێمی کوردستانی کرد و له گه‌ڵ سه‌رۆک و ئه‌ندامانی ژوور کۆبووه. به پێی ڕاپۆرتی جام کوردی، مورته‌زا عه‌بادی له‌م چاوپێکه‌وتنه‌دا وێڕای تاوتوێکردنی ڕێکه‌وتنه‌کانی پێشوو، سێ پرسی سه‌ره‌کی ڕێگری له گواستنه‌وه‌ی یه‌کسه‌ری کاڵا، که‌مبوونی ژماره‌ی بارهه‌ڵگره‌کان له خاڵه سنورییه‌کانی عێراق و هه‌وره‌ها نه‌بوونی به‌ڕێوه‌به‌رایه‌تییه‌کی یه‌کگرتوو و سنورداربوونی چالاکی خاله سنورییه‌کانی ئێرانی به هۆکاری ناڕه‌زایه‌تی بازرگانانی هه‌ر دوو لا ناو برد و وتی هیوادارین به کۆبوونه‌وه‌ی نێوان به‌رپرسانی پارێزگا سنورییه‌کانی هه‌ر دوو لا به‌ره‌وپێشچوون له ئاڵوگۆه بازرگانییه‌کاندا ببینرێت. ناوبراو هه‌روه‌ها سه‌باره‌ت به قۆناغی دووه‌می گه‌مارۆکانی ئه‌مریکا دژ به ئێران وتی: ئه‌گه‌ر هه‌مووان مافی ئه‌وه‌یان هه‌بێت سه‌باره‌ت به مافی مرۆڤ و به‌ره‌نگاربوونه‌وه‌ی تیرۆر لێدوان بده‌ن، لانیکه‌م ئه‌مریکا که به کۆمه‌ڵکوژی دانیشتووانی ڕه‌سه‌ن حکومه‌تی خۆیی پێکهێنا و له دژی گه‌لان و وڵاتانی دیکه چه‌کی ناوه‌کیی به کار هێنا و له بۆردومانی کیمیاوی سه‌رده‌شت و هه‌ڵه‌بجه پاڵپشتی له سه‌دامی دیکتاتۆر کرد و بناغه‌داڕێژی گرووپه تیرۆریستییه‌کانی وه‌ک تاڵیبان، قاعیده و داعشه، نابێت باس له مافی مرۆڤ و به‌ره‌نگاربوونه‌وه‌ی تیرۆر و یاسا نێوده‌وڵه‌تییه‌کان بکات
دیداری سەرکۆنسوڵی کۆماری ئیسلامی ئێران لەگەڵ بەرپرسی پێوەندییەکانی ھەرێمی کوردستانی عێراق
لە دیداری نێوان مورتەزا عەبادی سەرکۆنسوڵی کۆماری ئیسلامی ئێران لە گەڵ فەلاح مستەفا بەرپرسی پێوەندییەکانی ھەرێمی کوردستان دوایین گۆڕانکارییەکانی ھەرێمی کوردستان و بە تایبەتڕەوتی گۆڕانکارییەکانی دوای ھەڵبژاردنەکانی پەڕڵەمانی لە عێراق و ھەرێمی کوردستان گفتوگۆیان لە سەر کرا. سەرکۆنسوڵی ئێران بە ئاماژە بە کۆبوونەوەی ئەم دواییەی سنووریی جێگرانی پارێزگارانی پارێزگاکانی دراوسێ لە تەمەرچین و لێکتێگەیشتنەکان بۆ نەھێشتنی ھەندێ لەمپەر لە پەرەسەندنی ئاڵوگۆڕی بازرگانی بە تایبەت ئاڵوگۆڕی سنووری ھەواڵی دا. لەم دیدارەدا سەرکۆنسوڵی کۆماری ئیسلامی ئێران لە ھەولێر ھیوای چاکبوونەوەی بۆ فەلاح مستەفا خواست
دیداریڕیاز کەهیە سەرۆکی پارتی تورکمان ئیلی لە گەڵ مورتەزا عەبادی سەرکۆنسوڵی کۆماری ئیسلامی ئێران لە هەولێر
دیداریڕیاز کەهیە سەرۆکی پارتی تورکمان ئیلی لە گەڵ مورتەزا عەبادی سەرکۆنسوڵی کۆماری ئیسلامی ئێران لە هەولێر لەم دیدارەدا سەبارەت بە دوایین گۆڕانکارییەکان لە عێراق و هەرێمی کوردستان گفتوگۆ کرا. ڕیاز کەهیە لەم دیدارەداڕۆڵی کۆماری ئیسلامی ئێران لە هاتنە دی ئارامی و سەقامگیری لە عێراق و ناوچەی بەرز نرخاند. هەروەها سەرکۆنسوڵی ئێران بە ئاماژە بە پێوەندی دۆستانە و پتەوی ئەم وڵاتە لە گەڵ هەموو پێکهاتەکانی عێراق و هەرێمی کوردستان جەختی لە سەر پێویستیی هاوکاریی هەموو گرووپ و پێکهاتەکان بۆ بەهێز کردنی ئارامی و سەقامگیری لە عێراق کردەوە
 |
|
 |
|
 |
|
 |
 |
